ÇFARË DOKUMENTE DUHET TË PARAQES NË GJYKATË PËR TË APLIKUAR PËR CERTIFIKATËN E GJENDJES PENALE?
Kur të paraqiteni në gjykatë, duhet të keni me vete njërin nga këto tre dokumente valide:
- letërnjoftimin dhe kopjen e tij
- patentë shoferin dhe kopjen e tij
- pasaporten dhe kopjen e saj
Nese paraqitni kërkesën perueb uebfaqes, njërën nga dokumentet e mësipërme mund ta ngarkoni drejtpërsëdrejti nga uebfaqja si pjese e kërkesës.
Nëse jetoni në një qytet tjetër që nuk është vendlindja juaj, duhet të merrni me vete dhe të paraqisni në gjykatë certifikatën e bashkësisë lokale nga vendbanimi juaj aktual.
SI APLIKOHET PËR TU PAJISUR ME CERTIFIKATËN E GJENDJES PENALE, A KA NDONJË FORMULAR TË VEÇANTË?
Aplikimi bëhet duke plotësuar formularin ne uebfaqe ose duke plotesuar formularin qe gjendet ne gjykate e të cilin e siguroni nga zyrtarët e sigurisë në Pallatin e Drejtësisë, në hyrje të ndërtesës A.
Nese paraqitni kerkesen permes uebfaqes se gjykates duke plotesuar formularin dhe duke e dergu kerkesen nga uebfaqja, mos harroni qe:
- te ngarkoni edhe kopjen e letërnjoftimit, patente shoferin ose pasaportës tuaj
- te ngarkoni kopjen e autorizimin noterial, nëse një person tjetër aplikon në emrin tuaj
ÇFARË INFORMATA KËRKOHEN NË FORMULAR?
Informatat që kërkohen në formular janë:
- emri juaj, emri i babait dhe mbiemri
- data e lindjes
- vendlindja dhe komuna
- vendbanimi dhe adresa e përhershme
- emri i nënës dhe mbiemri i vajzërisë
- numri personal i letërnjoftimit dhe kush e ka lëshuar dokumentin
- arsyeja e aplikimit për certifikatë
NË CILËN GJUHË MUND TË APLIKOJ PËR CERTIFIKATË TË GJENDJES PENALE?
Formulari i gatshëm është në gjuhën shqipe dhe serbe.
SA KUSHTON APLIKIMI PËR CERTIFIKATË TË GJENDJES PENALE?
Nëse aplikoni për arsye punësimi, certifikata lëshohet pa pagesë.
Nëse aplikoni për arsye të tjera, certifikata kushton pesë (5) euro.
Pagesa behet ne sportelin e pagesave ne gjykate.
KUR MUND TË DORËZOJ FORMULARIN PËR APLIKIM PËR CERTIFIKATËN E GJENDJES PENALE?
Kërkesa mund të bëhet çdo ditë pune nga ora 8:30 – 12:00 dhe 13:00 – 15:30.
A MUND TË APLIKOJË NJË PERSON TJETËR NË EMRIN TIM?
Një person tjetër mund të aplikojë në emrin tuaj nëse ju e keni autorizuar atë person përmes autorizimit noterial.
SA KOHË DUHE TË PRES PËR T’U PAJISUAR ME CERTIFIKATËN E GJENDJES PENALE?
- Nëse ndaj jush nuk janë duke u zhvilluar procedura penale dhe/ose nuk jeni të dënuar, ju do të pajiseni me certifikatë brenda 24 orësh.
- Nëse ndaj jush janë duke u zhvilluar procedura penale dhe/ose jeni të dënuar, procedura mund të zgjasë deri në pesë (5) ditë.
KUR MUND TË TËRHEQ CERTIFIKATËN E GJENDJES PENALE?
Certifikatën mund ta tërhiqni çdo ditë në ora 14:00.
NË CILËN GJUHË LËSHOHET CERTIFIKATA E GJENDJES PENALE?
Certifikata lëshohet në gjuhën shqipe dhe serbe.